Willkommen Portrait Vereine und Institutionen Geschäftsleben Service Impressum/Kontakt
© nienstedten.de 2017
  Leeve Lüüd vun´t Heimatboten! Bi all mien Rummoken heff ick so´n Gefeul, Plattdüütsch to snacken is nümmers een Gräul, ls för Gesundheit un för´s Gemüt - Oder weet´s du nich, wat dat bedüüt? In uns golden Monat - prall vull von Sünn Geit mi dat jümmers im Koppe rüm, Dat Keeneen ji heft för düsset Blatt, De mit de Leser mol snackt platt. Ick wälz mit de Beuker un Kalenner, Seuk Riemels mit ut un Renner, Ober nix gefallt mi bi dat Lesen - Allns is eenmal schon dorgewesen. So denk ick mi: Schreef man aal op, Wat di so geit dörch dienen Kopp. Geburtstag - Hochtied ooch un wat - Schreef dien Gedanken doch op platt! Schon hest du dien Rubrik jo full. De Redaktör freit sik ganz dull! Villicht find sick een anner Wesen, De glieks een Antwort wüßt biit Lesen Un keem dorbi nu gau in Schwung: Mokt Plattdüütsch-Snacken wedder jung! Nuu veele Grööt, Herr Redaktör, För düsset Mol gift dat nix mehr! (Gertrud Rönnspies)